ویلے دی ونڈ میرے دیس اچ کی نئیں ہوندا (حصہ دوم)

حاجی تے الحاج وی ایتھے۔کھاونڑ لوگ ویاج وی ایتھے۔حسن دے رنگ سجاوٹ ایتھے۔ہر شے وچ ملاوٹ ایتھے
بُھکھاں ایتھے فاقے ایتھے۔پولساں لاندیاں ناکے ایتھے۔ہوونڑ بم دھماکے ایتھے۔چوریاں ایتھے،،ڈاکے ایتھے،
رب سوہنڑے تو ڈردیاں ڈردیاں۔ سچیاں گلاں کردیاں کردیاں۔اگے رگڑے سئے کھا بیٹھاں پولس تو ہور کٹیُ نہیں ہوندا
۔۔۔۔۔۔۔۔۔،میرے دیس اچ کی نئیں ہوندا
مسجداں ایتھے۔مندر ایتھے۔۔غوث ابدال قلندر ایتھے۔رنگا رنگ نظارے ایتھے۔گرجے گرُودوارے ایتھے
شعبدے باز مداری ایتھے،۔تاجر،ٹھگ،وپاری ایتھے،۔،لوگ وفا دے پیکر ایتھے۔،پائلٹ تے ہائی جیکر ایتھے
چنگے ایتھے مندے ایتھے۔ رب سوہنڑے دے بندے ایتھے۔کھاونڑ ملاں چندے ایتھے۔ہوونڑ کالے دھندے ایتھے
سچیاں گلاں کر کے سب توں تھانڑیاں وچ ڈکیی نیئں ہوندا۔۔۔۔۔میرے دیس اچ کی نیئں ہوندا
جِت گئی اے دولت یارو۔من لئی ہار غریباں ایتھے۔ زرداراں توں ڈردیاں ہوئیاں گُنگ ہوئیاں نے جیباں ایتھے
مذہب دے ٹوٹے کرن دی خاطر مارے َٹل خطیباں ایتھے۔جھوٹیاں نوں تے شاہیاں ملدیاں سچیاں کانڑ صلیباں ایتھے۔بیوہ دی بھویں وڈیاں کھو ہ لئی۔گھتے کونڑ جریباں ایتھے۔حق کسے دا لٹے جہیڑا،،سچ دی گردن گھٹے جہیڑا
بھاویں ہو الحاج وی ہووئے کدیں ہلالی بیئں نیئں ہوندا۔۔۔۔میرے دیس اچ کی نیئں ہوندا
چرسی پوڈری بھنگی ایتھے،۔،ہر اک گل دی تنگی ایتھے۔پُتر نِت کرنڈی پیندے۔ ماں پیراں توں ننگی ایتھے
جہیڑی رن کُپتی ہووئے اوہ ای بہتی چنگی ایتھے۔سی ڈی،کیبل،ڈش انٹینا۔ غیرت سب دی ڈنگی ایتھے۔دھیاں جئے تائیں فلم نہ ویکھنڑ ماں دا ٹھنڈا جی نیئں ہوندا۔۔۔۔۔۔۔۔۔۔۔میرے دیس اچ کی نئیں ہوندا
تھاں تھاں ٹٹیاں سڑکاں ایتھے۔وجن سکیاں بڑھکاں ایتھے۔ڈاکٹر ایتھے نرساں ایتھے۔کوہندے وانگ بے ترساں ایتھے۔ لاون جھوٹے لارے ایتھے۔گیڑے باز نے سارے ایتھے۔مُکدی گل مُکاواں ساجد تیل کُسوں دا گھی نیئں ہوندا
میرے دیس اچ کی نیئں ہوندا
کلام۔۔۔۔۔۔ ساجد حسین،،،،،،،،،،،،،،،،،، انتخاب و تحریر،،،،،،،،،،،،،،،،،،،،،،،،،،،،،شہزاد حیدر گُجر